Búgin Ulttyq Bank basqarma tóraǵasynyń orynbasary Berik Sholpanqulov lısenzııasyz krıptovalıýta operasııalary úshin qylmystyq jáne ákimshilik jaýapkershilik qarastyrylatynyn habarlady. Budan bylaı elimizde krıptovalıýta aınalymyn retteý kúsheıtiletin bolady.
«Tehnologııa damyp jatqanyn eskersek, krıptoaınalym belgili qubylys. Biz de osy júıege jaqyn arada qosylamyz jáne zańnama aıasynda qylmystyq ári ákimshilik jaýapkershilik engiziledi. Ákimshilik jaýapkershilik lısenzııalanǵan alańdardan tys krıptovalıýta satyp alǵan adamdarǵa, al qylmystyq jaýapkershilik lısenzııasyz qyzmet kórsetetin satýshylarǵa qarastyrylady» - dedi Berik Sholpanqulov.
Ulttyq bank tárkilengen krıptoaktıvterdi saqtaý úshin arnaıy qor qurmaıdy. Ony klassıkalyq tárkileý aıasynda memlekettik balansqa alýdyń qalyptasqan tártibimen júrgize beredi.
Ulttyq bank múddeli memlekettik organdarmen birlesip, sıfrlyq aktıvter aınalymynyń quqyqtyq negizin qalyptastyratyn zańnamalyq túzetýler paketin daıyndap qoıdy. Túzetýler eki bloktan turady.
Sıfrlyq qarjy aktıvterin iske qosý jáne olardyń quqyqtyq mártebesin aıqyndaý.
Sonymen, krıptovalıýtany «Astana» halyqaralyq qarjy ortalyǵyndaǵy lısenzııasy bar bırjalardan satyp alýǵa múmkindik bar.
Sholpanqulovtyń aıtýynsha, sıfrlyq aktıvterdiń somasyn jáne satyp alýshylardyń ózderiniń derekterin qadaǵalaýǵa múmkindik beretin tetik osy ǵana .
«Baqylaýǵa bolady. Halyq qazir krıptovalıýta jasyryn emes ekenin túsinýi kerek», dedi Ulttyq bank tóraǵasynyń orynbasary.
Ol beıresmı platformalardyń qyzmetterin paıdalanýdy jalǵastyrǵan satyp alýshylar ákimshilik jaýapkershilikke tartylatynyn, al krıptovalıýtany zańsyz satýshylar qylmystyq jaýapkershilikke tartylatynyn aıtty.
